تەکنیک و ناوەڕۆک لە چیرۆکەکانی فەریدوون عەلی ئەمیندا
Artikel-Sidebar
Hauptsächlicher Artikelinhalt
Abstract
ئەدەبی کوردی لە سەرەتای سەدەی بیستەمدا لەگەڵ پەیدابوونی ڕەوتی ڕۆژنامەگەی کوردیدا زۆر ژانری ئەدەبی هەبوون پەیدابوون. چیرۆکی منداڵان یەکێک لەو ژانرانە بوو لەگەڵ ڕۆژنامەدا پەیدابوو، چونکە ڕۆژنامە و گۆڤار دەگەنە هەمو ماڵێک و لەوێدا دایباب دەتوانن بۆ منداڵەکانیان بخوێننەوە. پێگەی فەریدوون عەلی ئەمین لە چیرۆکی منداڵاندا گرنگە، چونکە ئەو لە سەردەمێک بایەخی بە چیرۆکی منداڵاندا داوە، کە وەکو کولتوور لەناو کوردەواریدا نەبووە. ئەو لە ڕێگەی چیرۆکی منداڵانەوە هەوڵی ئامۆژگاریکردن و ڕێنوێنی منداڵان بووە. لەم ڕووەوە زۆر ئامانجی پێکاوە، چونکە خۆی مامۆستای قوتابخانە بووە، یەکێک لە ئامرازەکانی پەروەردە و فێرکردنیش لە دنیای مۆدێڕنەدا بریتییە لە چیرۆکی منداڵان. کەواتە ئەم نووسەرە لە ساڵانی پەنجا و شەست و حەفتای سەدەی ڕابردوو چیرۆکی منداڵانی وەک هۆکارێکی پەروەردە و فێرکردن داناوە. لەو ڕێگەیەوە هانی دایک و باوکانی داوە بایەخ بەم لایەنە بدەن. بۆیەش چەندین بەرهەمی چیرۆکی منداڵانی لەو سەردەم وەک کتێب چاپ کردووە.