كاریگه‌ری لۆبی جوله‌كه له‌سه‌ر سیاسه‌تی ده‌ره‌وه‌ی ئەمریکا (ئیدارەى دۆناڵد ترامپ وەک نمونە)
Article Sidebar
Main Article Content
Abstract
له‌پشت هه‌ر بڕیار و سیاسه‌تێك كه ده‌وڵه‌تێك ده‌یگرێته‌به‌ر چه‌ندین هۆكار و فاكته‌ر ڕۆڵ و كاریگه‌ریان هه‌یه، سیاسه‌تی ده‌ره‌وه‌ی ئه‌مریكاش له ماوه‌ی ئیداره‌ی دۆناڵد ترامپدا به‌رامبه‌ر ئیسرائیل و ئێران له‌ژێر كاریگه‌ری چه‌ندین بووه، به‌تایبه‌ت كاریگه‌ری لۆبی جوله‌كه، دۆناڵد ترامپ له‌ماوه‌ی ئیداره‌كه‌یدا چه‌ندین بڕیاری مێژوویی ده‌ركرد به‌رامبه‌ر(ئیسرائیل و كۆماری ئیسلامی ئێران) وه‌ك بڕیاری ناساندنی شاری قودس وه‌كو پایته‌ختی ئیسرائیل و گواستنه‌وه‌ی باڵیۆزخانه‌كه‌ی بۆ شاره‌كه، هه‌روه‌ها له‌هه‌مبه‌ر ئێرانیشدا ئیداره‌كه‌ی ترامپ سیاسه‌تێكی توندی په‌یڕه‌وكرد به‌تایبه‌ت بڕیاری كشانه‌وه له رێككه‌وتننامه‌ی ئه‌تۆمی ئێران و زیادكردنی سزاكانی سه‌ر ئێران، هه‌ربۆیه پرسیاری توێژینه‌وه‌كه‌مان جه‌خت ده‌كاته‌وه له‌سه‌رئه‌‌وه‌ی ئایا ئه‌و سیاسه‌ته تا چه‌ند له‌ژێر كاریگه‌ری لۆبی جوله‌كه بووه، گریمانه‌ی ئه‌وه‌شمان كردووه كه ئه‌و بڕیار و هه‌ڵوێستانه‌ی ترامب به‌رامبه‌ر ئیسرائیل و ئێران هه‌نگاوی بۆناوه له‌ژێر هه‌ژموون و كاریگه‌ری لۆبیه‌كه بووه و خزمه‌تی به‌رژه‌وه‌ندی و ئامانجه‌كانی لۆبیه‌كه‌ی كردووه، ناوه‌ڕۆكی توێژینه‌وه‌كه‌شمان له دوو به‌شی سه‌ره‌كی خستۆته‌ڕوو، به‌شی یه‌كه‌م تیشک دەخاتە سەر ناساندن و پێناسەی هەریەکە لە لۆبى جولەکە و سیاسەتى دەرەوە و ئەو هۆکارە نافەرمیانەى کاریگەریان هەیە لەسەر سیاسەتى دەرەوەى ئەمریکا، له‌به‌شی دووه‌میشدا هەوڵمانداوە شرۆڤه‌ی ئه‌و بڕیار و هه‌ڵوێستانه‌ی دۆناڵد ترامپ بكه‌ین و ئاستی كاریگه‌ری لۆبیه‌كه له‌سه‌ری بخه‌ینه‌ڕوو، له‌كۆتایی توێژینه‌وه‌كه‌شدا له‌گرنگترین ئه‌و ئه‌نجامه‌ی پێی ده‌گه‌ین بریتیه له‌وه‌ی لۆبی جوله‌كه كاریگه‌ری به‌هێزی هه‌بووه له‌سه‌ر سیاسه‌تی ده‌ره‌وه‌ی ئه‌مریكا به‌رامبه‌ر ئیسرائیل و ئێران له‌ماوه‌ی ئیداره‌ی ترامپدا.
ووشه كلیلیه‌كان: (لۆبی جوله‌كه، ئیداره‌ی ترامپ، ڕێككه‌وتننامه‌ی ئه‌تۆمی ئیران، ئیسرائیل، سیاسه‌تده‌ره‌وه)