ئامانجی ئه‌م توێژینەوەیە دیاریكردنی  گرنگترین ئه‌و چوارچێوه‌و ڕه‌هه‌ندانه‌ن كه‌ ده‌زگا ڕاگه‌یاندنه‌ كوردییه‌كان جێبه‌جێیان ده‌كه‌ن بۆ پته‌وكردنی ئاسایشی نه‌ته‌وه‌یی، ئەم توێژینه‌وه‌یه توێژینه‌وه‌یه‌كی وه‌سفیه‌و میتۆدی ڕووپێوی به‌كارهێنراوه‌و پشتی به‌ڕێگه‌ی شیكردنه‌وه‌ی ناوه‌رۆكی ده‌زگا ڕاگه‌یاندنه‌ كوردییه‌كان به‌ستووه‌. كۆمه‌ڵگه‌ی توێژینه‌وه‌كه‌ بریتیه‌ له‌ ڕۆژنامه‌ی خه‌بات وه‌ك نموونه‌ی توێژینه‌وه‌كه‌ دیاریكراوه‌و تیایدا 14 وتاری سه‌رۆك مسعود بارزانی سه‌رۆكی كوردستانی ئه‌وكات و 20 وتاری كه‌سانی سیاسیی و ئه‌دیب و ڕۆشنبیر  وه‌رگیراوه‌ كه‌ به‌درێژایی ڕۆژانی هه‌ڵمه‌تی بانگه‌شه‌كه‌ كه‌ ماوه‌ی یه‌ك مانگی خایاند.  له‌گرنگترین ئه‌و ده‌ره‌نجامانه‌ی كه‌ ئه‌م تویژینه‌وه‌یه‌ پێی گه‌یشتووه‌ ئه‌مانه‌بوون: ئه‌و وتارانه‌ی ئه‌و مانگه‌ بڵاوكراوه‌ته‌وه‌‌، زیاتر لایه‌نگر  وهانده‌ر بوونه‌  له‌چوارچێوه‌ی به‌رپرسیارێتی و ئاسایشی نه‌ته‌وه‌یی و ڕۆڵیان هه‌بووه‌ له‌و ڕووه‌وه‌.