دیزاینی لاپه‌ڕه‌ی یه‌كه‌می رۆژنامه‌ی خه‌بات و چۆنیه‌تی ده‌رخستنی بابه‌ته‌كان
Artikel-Sidebar
Hauptsächlicher Artikelinhalt
Abstract
پوخته
ئه‌م توێژینه‌وه‌یه كه به‌ناونیشانی (دیزاینی لاپه‌ڕه‌ی یه‌كه‌می ڕۆژنامه چۆنیه‌تی ده‌رخستنی بابه‌ته‌كان / ڕۆژنامه‌ی خه‌بات به‌نموونه) هه‌وڵێكه بۆ خستنه ڕووی گرنگیی لاپه‌ڕه‌ی یه‌كه‌م و گرنگیی دیزاینكردنی ڕه‌گه‌زه تایپۆگرافیكانی تاكو بتوانرێت بابه‌ته‌كان به‌پێی گرنگییان بخرێنەڕوو. ئه‌م توێژینه‌یه‌وه به‌پێی میتۆدی وه‌سفی و شیكاری ناوه‌رۆك ئه‌نجام دراوه و ژماره‌كانی هه‌رسێ مانگی (ئایار و حوزه‌یران و ته‌موز) ی رۆژنامه‌ی (خه‌بات) بە سامپڵی توێژینه‌وه‌كه وه‌رگیراوه ، له‌ڕووی دیزاینی لاپه‌ڕه‌ی یه‌كه‌م چۆنیه‌تی ده‌رخستنی بابه‌ته‌كان قسه‌مان كردووه.
له‌م توێژینه‌وه‌كه‌دا به‌چه‌ند ئه‌نجامێك گه‌یشتووین له‌وانه: گرتنه‌به‌ری یه‌كێك له قوتابخانه‌ی دیزاین خاڵێكی گرنگه بۆ دیزاینی لاپه‌ڕه‌ی یه‌كه‌می هه‌ر ڕۆژنامه‌یه‌ك ،چونكه ده‌بێته به‌شێك له كه‌سێتی ڕۆژنامه‌كه و به‌گونجاوی مامه‌ڵه‌كردن له‌گه‌ڵ ڕه‌گه‌زه تایپۆگرافیه‌كاندا.
له‌ژماره‌كانی ئه‌و سێ مانگه‌ی رۆژنامه‌ی خه‌باتدا قوتابخانه‌یه‌كی جێگیر یان یه‌كێك له ڕێبازی قوتابخانه‌كان به‌به‌رده‌وامی نادۆزرێته‌وه ، جاری وایه زۆر قورسه بزانیت لاپه‌ڕه‌ی ڕؤژنامه‌كه به‌پێی چ قوتابخانه‌یەك دیزاینكراوه.
خاڵێك كه‌گرنگه و ڕۆژنامه‌كه په‌نای بۆ بردووه (لاپه‌ڕه‌ی جیگرەوە) یە واته له‌ژماره‌یه‌كدا دوو لاپه‌ڕەی یه‌كه‌م هه‌بێت ، ئه‌میش له‌و حاڵه‌تانه‌دا ڕووی داوه كه لاپه‌ڕه‌ی یه‌كه‌می ژماره‌ی ئه‌و رۆژه به‌ته‌واوی ته‌رخان بێت بۆ بابه‌تێك و لاپه‌ڕه‌ی سێیه‌می كردووه به جێگرەوەی لاپه‌ڕەی یه‌كەم واته دیزاینکردنی لاپه‌ڕه‌یەکی تریش به‌هه‌مان شێوه‌ی دیزاینی لاپه‌ڕه یه‌كه‌م.