ڕۆڵی په‌یوه‌ندییه گشتییه‌كانی حكومه‌تی هه‌رێمی كوردستان له‌ڕاكێشانی وه‌به‌رهێناندا
Artikel-Sidebar
Hauptsächlicher Artikelinhalt
Abstract
پوختە
ئەم تویژینەوەيە بە ناونیشانی (ڕۆڵی په‌یوه‌ندییه گشتییه‌كانی حكومه‌تی هه‌رێمی كوردستان له‌ڕاكێشانی وه‌به‌رهێناندا) هەولى داوە وەڵامى ئەوە بداتەوە کە ئايا پەيوەنديەگشتيەكان وەک بە شیکی سە رەکی پەیوەندیی و بەرێودبردن لە ڕێگەی ئەرك و ئامانج و شيوازەكانييەوە کاریگەریی لەسەر ڕاکێشانى وەبەرهێنەران هەیە بۆ هەرێمى کوردستان؟ ڕۆڵی په‌یوه‌ندییه گشتییه‌كانی حكومه‌تی هه‌ڕێمی كوردستان چییه له ڕاكێشانی وه‌به‌رهێنان بۆ ناو هه‌رێمه‌كه؟ ئاستى كاریگه‌ریی كاری په‌یوه‌ندییه گشتییه‌كانی حكومه‌تی هه‌رێم و وه‌زاره‌ته‌كانیدا چۆنە له‌هاندانی وه‌به‌رهێنان له‌هه‌رێمدا.
توێژەر میتۆدى تویژینەوەی وەسفی رووپێوى بەكارهێناوە بەمەبەستی كۆكردنەوەی زانیاری و داتاکان و لێکدانەوەيان و شیكردنەوە و شرۆڤەكردن و لێكولينەوە لە دیاردەکە. ئەو ئامرازانە بەکارهێنراون کە لەگەڵ ميتۆد و کێشە و ئامانج و سروشت و كۆمەڵگەی تویژینەوە کە دا بگونجیت، بە بەكارهێنانى فۆرمی ڕاپرسی و پشتبەستن بە پرۆگرامی ئاماریی (SPSS)" بۆ شیکردنەودی برگەكانى فۆرمی ڕاپرسیە کە و لایەنە دیموگرافيەكانى. كۆمه‌ڵگە‌ی ئه‌م توێژینه‌وه‌یه بریتیه له فەرمانگەى په‌یوه‌ندییه گشتییه‌كانی حكومه‌تی هه‌رێمی كوردستان و نووسینگه‌كانی په‌یوه‌ندییه گشتییه‌كان له وه‌زاره‌ته‌كانی هه‌رێم، ئه‌و وه‌زاره‌تانه‌ی به‌شی په‌یوه‌ندییه‌كان له‌خۆده‌گرن. واته كۆمه‌لگه‌ی ئه‌م توێژینه‌وه بریته له فەرمانگەى په‌یوه‌ندییه‌گشتییەکان(10) وه‌زاره‌ت له كۆی(19) وه‌زاره‌تی كابینه‌ی نۆیه‌م و فه‌رمانگای په‌یوه‌ندییه‌كانی ده‌روه‌وی حكومه‌تی هه‌رێمی كوردستان، توێژه‌ر بۆیه ئه‌و وه‌زاره‌ت و فه‌رمانگای وه‌رگرتووه چونكه ته‌نها ئه‌و(10) وه‌زاره‌ت و(1) یه‌ك فه‌رمانگەی به‌شی په‌یوه‌ندییه‌كان له‌په‌یكه‌ری وه‌زاره‌ت و فه‌رمانگایان هه‌یه. نموونەى ئەم توێژینەوەیە برتییە لە كارمه‌ندانی به‌شی په‌یوه‌ندییه‌كانی وه‌رگرتووه كه ژماره‌یان(96) كارمه‌ندبوو به هه‌ردوو ره‌گه‌ز.
ئامانجی توێژینه‌وه‌كه بریتیه‌یە لە دەرخستنى ڕۆڵی په‌یوه‌ندییه گشتییه‌كانی حكومه‌تی هه‌رێمی كوردستان له ڕاكێشانی وه‌به‌رهێنانی بۆ هه‌رێمی كوردستان، دیاریكردنی میكانیزمی كاركردنی په‌یوه‌ندییه گشتییه‌كانی حكومه‌تی هه‌رێمی كوردستان له ڕاكێشانی وه‌به‌رهێنانی بۆ ناو هه‌رێمه‌كه‌دا. هەروەها زانینی جۆری ستراتیژییه پێشكه‌وتووه‌كانی په‌یوه‌ندییه گشتییه‌كانی حكومه‌تی هه‌رێمی كوردستان ، زانینی مه‌ودای بایه‌خدان به چالاكییه‌كانی په‌یوه‌ندییه گشتییه‌كانی حكومه‌تی هه‌رێمی كوردستان.
گرنگترین ئەو دەرئەنجامانەى ئەم توێژینەوەیە پێگەیشتوون پەیوەندییەکى بەهادارى ئامارى ڕاستەوانە هەیە لە نێوان په‌یوه‌ندییه گشتییه‌كان و ڕاكێشانی وه‌به‌رهێنان بۆ ناو هه‌رێمى کوردستان، په‌یوه‌ندییه گشتییه‌كان کاریگەرى بەهادارى ئامارى هەیە لەسەر ڕاكێشانی وه‌به‌رهێنان بۆ ناو هه‌رێمى کوردستان، سه‌ركه‌وتنی په‌یوه‌ندییه گشتییه‌كانی حكومه‌تی هه‌رێمی كوردستان له‌وه‌زاره‌ت و ده‌سته‌ی وه‌به‌رهێنان له‌ئه‌نجامی پلانێكی كۆمه‌ڵی بووه بۆ راكێشانی وه‌به‌رهێن بۆ هه‌رێمی كوردستان، نووسینگه‌كانی په‌یوه‌ندییه گشتییه‌كانی وه‌زاره‌ت و ده‌سته‌كانی هه‌رێمی كوردستان پلانێكی سه‌ركه‌وتوو به‌كاردێنێت بۆ مامه‌ڵه‌كردنی وه‌به‌رهێنه‌ر ناوه‌وه‌و ده‌ره‌وه بۆ پێكهێنانی چوارچێوه‌یه‌كی ئابووری بۆ راكێشانی سوودو قازانج بۆ ناوه‌وه‌ی هه‌رێمی كوردستان، نووسینگه‌كانی په‌یوه‌ندییه گشتییه‌كانی وه‌زاره‌ت و ده‌سته‌كانی هه‌رێمی كوردستان هاوكارو پاڵپشته له پێناو سه‌ركه‌وتن و به‌ره‌وپێشبردنی وه‌به‌رهێنه‌ری هه‌رێم له‌دوای ساڵی 2003دا.