ئاستی پابەندبوونی ڕۆژنامەنووسان بە پێوەرەكانی سەلامەتیی پیشەیی لە هەرێمی كوردستان
Barra lateral del artículo
Contenido principal del artículo
Resumen
ئامانجی سەرەكی ئەم توێژینەوەیە بریتییە لە ڕادەی پابەندبوونی ڕۆژنامەنووسان بەتایبەت (پەیامنێران و وێنەگران) بە پێوەرەكانی سەلامەتیی پیشەیی لە هەرێمی كوردستان. كۆمەڵی توێژینەوەكە پێكهاتووە لە هەموو پەیامنێران و وێنەگرانی ڕۆژنامەنووسی دەزگاكانی ڕاگەیاندن لە هەرێمی كوردستان كە لە ناوچەكانی شەڕ و ململانێ ڕووماڵی ڕووداوەكان دەكەن. هەرچی نموونەی توێژینەوەكەش بریتییە لە (54) پەیامنێر و كامێرامانی دەزگاكانی ڕاگەیاندن لە ڕەگەزی (نێر) و (مێ) لە سنوری پارێزگای سلێمانی و ئیدارەی گەرمیان كە بەشێوەی هەڕەمەكی وەرگیراون. توێژینەوەكە لە جۆری توێژینەوە پەسنییەكان دادەنرێت و ڕێبازی ڕووپێوی لە ڕێگەی فۆرمی ڕاپێوی بۆ وەرگرتنی زانیاری پێویست لەبارەی ئامانجی توێژینەوەكە بەكارهاتووە.
لەو ئەنجامە زانستیانەی كە توێژینەوەكە پێیگەیشتووە: زۆرینەی ئەو ڕۆژنامەنووسانەی سنوری پارێزگای سلێمانی و ئیدارەی گەرمیان كە ڕووماڵی ڕووداوەكانی ناوچەی شەڕ و ململانێ دەكەن، خوولی فێركاری فریاگوزاری سەرەتاییان بینووە و شارەزاییان هەیە لەو بوارەدا. سەبارەت بە سەلامەتیی لە ناوچەكانی شەڕ، پلەی یەكەمی ڕۆژنامەنووسان زۆر لەگەڵ بەكارهێنانی كڵاوی پارێزەر و یەلەكی ڕۆژنامەنووسی و كەرەستە پێویستەكان و پیشاندانی ئەو جۆرە كەلوپەلانەن بەهێزەكانی نێو ململانێ بۆئەوەی بزانن كە ڕۆژنامەنووسن. دیسان زۆر لەگەڵ ئەوەدان كە لەكاتی دروستبوونی شەڕ لە ئۆتۆمبیل دووردەكەونەوە و خۆیان لە پشتی ساترە خۆڵ حەشاردەدەن. هاوكات زۆرینەیان زۆر لەگەڵ ئەوەدان كە لەنێوان پۆلیس و خۆپیشاندەران ڕاناوەستن، وەكچۆن پێویستە پێشبینی گۆڕینی ئاراستەی ڕووداوەكان بكەن و خۆیانی بۆ ئامادە بكەن.
كليلی وشەکان: ئاست، سەلامەتیی پیشەیی، هەرێمی كوردستان.